[color=white]ازاى تعرف انك بتتفرج على ماتش... كورة مصرى؟ [/c

ازاى تعرف انك بتتفرج على ماتش... كورة مصرى؟
عايز تعرف انك بتتفرج على ماتش كورة مصرى ؟!! طب ابقى ركز فى اللى بيحصل وانت هاتعرف لوحدك

عندما يصاب المتفرجون فى الاستاد بالهياج كلما توجهت كاميرا التليفزيون ناحيتهم

عندما تجد المشجعين خياليين اوى (وتوقعاتى ان شاء الله هانغلبهم خمسة صفر )

عندما يقوم لاعب "بترقيص" لاعب اخر ..فيضربه الاخير بالقلم على قفاه ويكمل لعب عادى جدا

عندما يجرى اللاعب اللى دخل الهدف وهو يتحاشى زملائه الذين يجرون ناحيته لتهنئته ويصر على
ان يجرى بمفرده فى كادر الكاميرا اللى بتنقل المبارة "مش عايز حد يطلع معاه"

عندما تستمع فى بداية كل ماتش ينقله التليفزيون للموسيقى المميزة المصاحبة لبداية الانتقال لاذاعة خارجية

عندما يقوم المخرج باعادة احد الاهداف اكتر من سبع مرات , يكون قد احرز خلالها هدف تانى ,وتفشل فى مشاهدة
هذا الهدف بعد طول انتظار ..ثم تفاجأ بعد نصف ساعة بالمخرج يعرض هذا الهدف بدون اى مقدمات

عندما يحسب على احد اللاعبين "اوف سايد" فيبص لحامل الراية بقرف وغل

عندما تسمع بعد الماتش-اذا فاز المنتخب بتاعنا- باغنية المصريين اهمه او الليلة عيد . دلوقتى بقت "والله وعملوها الرجالة"
ثم تظهر المذيعة لتقرأ على المشاهدين نص برقية السيد رئيس الجمهورية التى بعثها لمتخبنا

عندما ترى نوعا من اللاعبين "يتشنكل ويروح ماسك وشه"وهو نفسه اللاعب اللى "فضل يتمرمغ فى الارض من الوجع"
ولما يشوف سيارة الاسعاف تدخل الملعب يهب واقفا كأنه "غريندايزر"

عندما تحمل سيارة الاسعاف لاعبا الى خارج الملعب وما ان تصل الى الخط حتى يلقى السائق باللاعب على الارض ويجرى يهرب من المنطقة كلها

عندما تسود لغة الاشارة فى تعامل اللاعب مع الجمهور ...تبقى قاعد بتتفرج على الماتش انت ومراتك وتلاقى ابراهيم سعيد دابب صباعه فى وشك انت وهى

عندما يحدث تغيير ويخرج احد لاعبى الفريق المهزوم من الملعب فتستقبله الجماهير المضادة وهو خارج بالطبلة والدفوف وتعزف له زفة العروسة الشهيرة

عندما ترى جمهورا يحتسب " الكوبرى" بهدف...

عندما يؤمن المعلق بتاع الماتش بأنه اكتشف خطط الفريقين بعد خمس دقايق من بداية الماتش

slick = التــــــــــايـــــه