الامتحانات

السلام عليكم ورحمة الله وبركاته

اولا ازيكم يا جماعة عاملين ايه يارب يكون الايام دى بتعدى عليكم بالخير والسعادة واللى عنده امتحانات يكون مزاكر باذن الله ويدخل ويحل كويس ومتخافوش من القلق بتاع الايام دى انشاء الله كله ربنا هيسهلها معاه ويعرف يحل واللى مش مزاكر انشاء الله يعرف يبرشم ومحدش يفقشه واللى مش بيعرف يبرشم انشاء الله اللجنة تيجى سهلة عليه ويعرف يغش من اللى جمبه ومن اللى وراه
وياريت تقولو ورايا الدعاء ده

يارب ابعد عنا كل مراقب رخم رزل يا رب احفظنا من مشرفين الدور الرخمين ووقف علينا فى اللجان مشرفين حنينين ويغششونا ويكونوا طعمين يلا قولوا أمين


طبعا ده مش دعاء ولا حاجة وكل الكلام اللى قلته ده تريقه لان محدش يعتمد على انه هيروح اللجنه ويلاقى كل حاجة سهلة زى محصل كدة وزى مسمعت من واحد فى الشات لجان الثانوية العامة زى الابتدائية لان لو كان كدة كان زمانا كلنا دلوقتى في هندسة وطب هههههههه


وعشان كدة يا جماعة فيه ناس مدمنين نت زىى وصدقونى انا هقلكم النصايح دى وللاسف مش عارف استغلها بس يارب تسمعوها وتعملوا بيها
اولا يفضل ان الفترة دى متقعدش نت خاااااااااااااااااااااااااااااااااالص لان مفيش وقت خلاص

طيب نعمل ايه لو مش عارفين ومش قادرين ؟؟؟

اولا نحاول اننا نخف النت تدريجيا يعنى مثلا

لو بتقعد 5 ساعات فى اليوم تحاول تقلل كل يوم نص ساعة على الاقل وانت ومقدرتك

وانشاء الله بالكتير خلال اسبوع هتكون خلصت وبعدت عن النت لاكن تدريجيا لحد منخلص انشاء الله من الامتحانات


طيب دلوقتى انا عايز اوفق بين مواعيدى اعمل ايه ؟؟؟؟؟؟؟

على حسب كل واحد ونفسه يا جماعة يعنى مثلا عندك دروس وعندك مشاويرك وكل حاجة

ماشى يا عم مش هنقلك حاجة بس فعلا الوقت ضيق طيب نعمل ايه

اليوم مثلا 24 ساعة

8 ساعات نوم يتبقى 16 ساعة انشاء الله

قول مثلا لو عندك درس ولا مشوار ولا رايح تجيب ورق

4 ساعات بالكتير اوى هتيبقى 12 ساعة

قول 4 ساعات ناكل ونصلى فيهم وننزل الجامع
ده لو كان فيه حد بيصلى اثاثا ههههههههههههه


المهم دلوقتى يا جماعة هتيبقى 8 ساعات طيب اوكى
كدة احنا خرجنا ورحنا دروسنا وكلنا وصلنيا وعملنا كل حاجة


ال 8 ساعات دول نقول نزاكر منهم 6 ساعات كفاية فى اليوم يا عمونا

ده طبعا لو كنت بتزاكر شوية قبل كدة

والباقى اتفرج فيهم على الدش واقعد نت

وقبل الامتحانات بحبة ابقى اقطع النت خالص واكيد هتختصر فى وقتك اكتر من الوقت ده

بكتير لكن انا بقول كدة هنزاكر 6 ساعات فى اليوم وعملنا كل حاجة نفسنا فيها

تخيل بقة لما نقرص على نفسنا شوية فى المزاكرة اكيد العدد ده هيزيد يعنى مثلا

لو شلت ساعتين الدش
كدة هنزاكر 8

لو رحت الدر وجيت من بره على البيت على طول قول يبتقى من ال 4 ساعات ساعة

يبقى هنزاكر 9 ساعات

ولو نزلنا نصلى وجينا على البيت على طول يبقى كدة من ال 4 ساعات هناخد ساعتين

يبقى هنزاكر 11 ساعة انشاء الله

ولو قرصنا على نفسنا فى النوم ونمنا 6 او 7 ساعات زى الناس الكبيرة هههههههه

يبقى هنزاكر تقريبا 12 ساعة فى اليوم باذن الله

ومعتقدش ان فيه حد عايز اكتر من كدة وقت



طبعا النصيحة دى انا بتمنى انى اعمل بيها
ادعولى كلكم


يا جماعة ربنا يوفقكم يا رب يا رب كلكم وانا كمان

وياريت اكون افدتكم بحاجة

فعلا خطه تمام اوى.
وميرسى ليك اوى اوى.
وربنا معانا كلنا عشان نرجع بعد الامتحانات فرحانين.
ويااااااااااااااااااارب يوفكوا كلكوا يارب.
وبحبكوا كلكوا.






ur friend ayota

ميرسى ليك اوى اوى على خطتك الحربيه دى يا آدمن وانشاء الله

حتنجح وننتصر


باذن الله