معاك كارت ؟

موضوع: معاك كارت ؟ الثلاثاء مايو 01, 2007 6:48 pm

كان يا ماكان فى يوم من ايام الكليه اللى بروحها بالعافيه كل شهر مره حصلى موقف يجنن.

وانا داخله مبنى المجمع الاساسى اللى فيه كليه الالسن فى جامعه عين شمس حصل الموقف ده .

وحبيت تشاركونى الموقف ده وتقولولى ايه رايكم .

ضابط الحرس : ايوه يا انسه .

فتحت الشنطه عشان اطلع الكارنيه موش لقيته فى الشنطه لول

وشى احمر اوى اوى يا جماعه والله وبقى عامل زى الطماطم cherry

سارا : انا اسفه والله نسيت الكارنيه فى البيت ممكن حضرتك تشوف البطاقه ؟

ضابط الحرس : (ضحك ضحكه صفره اوى وقالى بصوته المليان رخامه ) واعمل ايه انا ببطاقتك يا انسه هو انتى داخله تتطعمى ؟ .

سارا : اتطعم ؟ ( بصتله كده بصه من فوق لتحت ورفعت حاجب وقلتله ) ممكن ساعدتك تسال فى شئون الطلبه عنى . وكمان انا معايا كشكول المحاضرات عليه اسمى .

ضابط الحرس : هاتى الكشكول اشوفه واشوف البطاقه .

سارا : طلعت البطاقه ووريته الكشكول .

ضابط الحرس : (ابتسم ابتسامه جامده اوى اكنى اديته كتاب اعماله يوم القيامه وطلع كويس وقالى ) بس يا انسه مكتوب هنا فى الكشكول سارا واسمك فى البطاقه (...... ) ههههههههههه وضحك.

سارا : ( اتمنيت ساعتها انى اضربه الم جامد اوى على وشه بس مسكت نفسى وقلتله ) يا افندم اتصل بشئون الطلبه اعرف منها اذا كنت انا من الكليه .

( المشكله ان وهو بيكلمنى اعتقد انى حسيت انه عايز يتكلم معايا شويه ولا حاجه ) ال البت حلوه اوى . لول

( وانا واقفه بكلمه لقيت 100 شاب وشابه دخلوا من غير ما حد يشوف كارنيهتهم طب ازاى؟ )

ولقيت واحده داخله كده وشكلها موش من الكليه اساسا فشكيت فيها والضابط برده شك فيها .

الضابط : ( ايوه يا انسه الكارنيه )

البنت : موش معايا الكارنيه والله بس معايا ده . ( وناولت كارت للضابط) .

الضابط : اوك يا انسه اتفضلى .

سارا : تيب هى دخلت ليه وهى موش معاها كارنيه اساسا ولا شوفت حتى بطاقتها ولا سالتها .

الضابط : اصل معاها كارت من نقيب هنا صاحبنا يعنى واكيد معرفته .

سارا : ( ساعتها انا نطقت جملتين باليونانيه شتمته فيها عشان زهقت منه ) .

الضابط : بتقولى ايه يا انسه ؟

سارا : ولا حاجه بقولك موش فيه حد هنا يرضى يدينى كارت انا كمان ادخل بيه .

الضابط : ههههههههههههههههههههههههه تاخدى كارت منى .

سارا : لا ميرسى خليه لواحده تانيه معرفه باى .

نستفيد من الكلام ده يا شباب ان بلدنا لسه بتمشى بالمحسوبيه والوسطات والكروت .

تيب ليه موش يكون فيه عدل يعنى وفيها ايه نسيت مره الكارنيه ايه المشكله يعنى ؟ .

وكمان انا ارضى انى موش ادخل الكليه اوك بس البنت دى موش كانت دخلت هى كمان .

ايه الظلم ده بس ؟ .

عدد الرسائل : 1 تاريخ التسجيل : 07/04/2007

اتحك يا عنى يا طماطم بلدك كدة معلش كلها مشية بالوسطة معلش تعيشى وتخدى غرها ههههههههههههههههههههه

موضوع: رد: معاك كارت ؟ الخميس مايو 10, 2007 8:47 am

ميرسى على الموضوع دة يا طماطم بس وجهت نظرى

ان الحارس شكله هوه الى مش الحارس الاساسى يعنى

واحد وبينصب عليكى هههههههههه

ميرسى يا قمر

اختك نور sunny