فضيحه استار اكاديمى وتزوير نتيجه محمد قماح عند ايكا

السلام عليكم ورحمه الله وبركاته

طبعا كلنا عارف ستار اكاديمى لو فى حد مش بيتفرج عليها يبقى بردو اكيد سمع ان البرنس خسر وشذى هى اللى كسبت وانا هفضل طول عمرى اقول عليه برنس لانه احسن مصرى دخل لحد دلوقتى ستار اكاديمى

وطبعاا كلنا بردو عارفين التلاعب اللى حصل فى التصويت
وكلنا بردو فاكرين التلاعب اللى حصل فى ستار اكاديمى 3 بين هانى وجوزيف
بالعقل كدة اى انسان يعقلها ازاى لبنان تكسب مصر على رأى شخص قال مرة دى لبنان يادوب قد شارع الهرم يعنى مينفعش تكسب مصر وزعلنا شوية وانا واحدة من الناس اللى قالت مش هتفرج على ستار اكاديمى تانى وفضلت على كدة فترة بس بعد كدة لقيت البرنس قماح متألق فقولت فى حد يستاهل اتفرج عليها تانى ورجعت اتفرجت تانى علشان خاطر قماح بردو طبعا من اول ستار اكاديمى مبدئت كلنا سمعنا ان اللقب هيكون لبنت المرادى انا كنت موافقة بنت تكسب بس يكون بتصويت الجمهور مش بالتلاعب فى الاصوات..المهم علشان مطولش عليكم الصورة اتضحت اكتر لما شذى عملت الاعلان لشركة الاتصالات العراقية..وشوفنا كلنا طبعا ان الشركة العراقية فاتحة التصويت لشذى مخفض او مجانا على حسب مسمعت بس المهم انه كان مخفض وخلاص كل ده علشان الناس تصوت لشذى وتكسب بس بردو انا متئكدة ان حصل تلاعب فى الاصوات وان الاصوات بتاعت شذى المفروض كانت تبقى بتاعت محمد وانا هسبتلكم دلوقتى والله اعلم اعتقادى صح ولا غلط بس انا جايبلكم صور وموضوع الصور دى انا اللى اكتشفتها واكيد غيرى اكتشفها



دى اول صورة اهى شوفتوها ومتصورة من ستار اكاديمى على طول هنلاقى محمد رقم 1 وكارلو رقم 2 وشذى رقم 3 ومروة رقم 4 وطبعا كلنا عارفين الارقام دى

نيجى بقى للصورة التانية اللى كانت منتشرة فى 90 فى المية من مواقع ستار اكاديمى اهيه





هنلاقى هنا كارلو رقم 1 ومروة رقم 2 ومحمد رقم 3 وشذى رقم 4


طبعا ملاحظين الفرق وانا نزلت الصورة دى من موقع والله وياريت كانت المواقع دى لحد دلوقتى حاطة الصورة دى علشان تشوفوها وكمان كان فى مواقع فاتحة التصويت بس بردو بالارقام

يعنى دلوقتى فى الصورة الاولى محمد رقم واحد والصورة التانية كارلو اللى رقم واحد يعنى كدة نسبت كارلو هى اللى راحت لقماح

ونيجى فى الصورة الاولى تانى كارلو هو رقم اتنين وفى الصورة التانية مروة يعنى نسبه مروة هى اللى راحت لكارلو

نيجى بردو للصورة الاولى شذى رقم 3 وفى الصورة التانية قماح رقم تلاتة
شوفتوووووووووو بقى يعنى التصويت بتاع كل المواقع اللى فيها قماح رقم 3 راح لشذى (الله اعلم وربنا على الظالم )

ونيجى للصورة الاولى تانى وهنلاقى مروة هى رقم اربعة وفى الصورة التانية شذى رقم 4 يعنى تصويت شذى راح لمروة

شايفين الظلم والتلاعب علشان معرفوش المرادى يغيرو ترتيب الطلاب على المسرح علشان عرفو اننا كشفنا الموضوع ده خلاص راحو منزلين ترتيب تانى خالص للطلاب علشان التصويت يطلع فى مصلحى شذى

دلوقتى لو هنمشى بالتصويت الحقيقى بتاع الصورة التانية دى اللى منتشرة فى 90 من المواقع اللى خاصة بستار اكاديمى هنلاقى

كارلو 25%
مروة 5.6%
قماح 40.63 %
شذى 28.65%

انا فى رأيى ان ده التصويت الحقيقى وده استنتاجى الشخصى وعلى فكرة انا واحدة من الناس اللى كانو بيصوتو لقماح على اساس انه هو رقم 3 لحد مسئلت لافلى وقالتلى لا صوتى لمحمد 1 مش 3

اكيد كدة كله شاف التلاعب انا كدة خلصت موضوعى واسفة للاظالة عليكم
بس هقول حاجة قبل مقفل موضوعى واجبلكم الموضوع التانى انا مش مصرية والناس كلها عارفة كدة بس انا بشجع اللى يستاهل بجد وقماح يستاهلها فعلا وهيفضل طول عمره برنس


مع تحياتى ايكا على فكره يا جماعه الصور مش هتتحمل على الموقع لان لسه فى مشاكل فى تشير الصور مع تحيات ايكا اول ميستغل هحطلكم الصور قريب

على فكره يا جماعه الموضوع ده مقتبس من منتدى اخر لانه بجد شدنى قوى

مش عارف ارفع صور على المنتدى والله يا جماعه

هحاول اجيب الموضوع بالصور عينى قريب ان شاء الله

ميرسى يا ايكا على موضوعك الجميل دة

محمد القماح يستاهلها







اختك نور