المنطقه المقدسه

اعتقد ان اللى يعرف منطقه روكسى والخليفه المامون موش يقدر انه يطلع من بيته بعد الساعه

12 مساءا . حد يسالنى ليه . اقله لان سياده الرئيس قصر الرئاسه بتاعه قريب من المنطقه دى.

ويا سلام لو قلت لسواق تاكسى لو سمحت وصلنى روكسى او حتى اى منطقه قريبه من الميرلاند

ممكن يشتمك او يضربك او يقلك شكلك من المنصوره او يسيبك ويمشى لول

والمنطقه المقدسه دى يا شباب فيها كمان الوزارات بشتى انواعها والمناطق العسكريه المشدده.

ولو سيبنا المنطقه المقدسه دى واتكلمنا عن موكب الرئاسه فنلاقى ان لما الرئيس يعدى من مكان

لازم قبلها بتلاته ايام الشوارع تنضف وعربيات الميه ترش الطريق والباعه الجائلين يختفوا

وزحمه المرور طبعا تختفى لان موش فيه اى عربيه تقدر تمشى فى الطريق بتاع الموكب .

وطبعا شوفنا الرئيس فى زياره غير متوقعه لاستاد القاهره عشان ماتش الاهلى واللى محدش عرفه

ان اكتر من 3 الاف من الجمهور حرموا انهم يدخلوا الاستاد عشان الرئيس هيبقى حاضر .

وطبعا عن وجود رجال امن الدوله والمخابرات وكبار الضباط ملوا المقصوره ويمكن الاستاد .

الشاهد هنا ايه يا جماعه ؟

انا موش بتكلم او بشتم فى اى حد لكنى بعترض على الوضع ده .

فيها ايه يعنى لو المواطن يقدر يعدى من المنطقه دى او السيارات او اى حاجه ؟

ليه المرور يقف عشان الرئيس او الوزير معدى من الطريق؟

ليه الجماهير تتحرم من المباراه عشان الرئيس هيحضر؟

يا جماعه لازم يبقى فيه شويه نظام

بسم الله الرحمن الرحيم
بجد موضوع كويس يا طماطم ومن حقك انك تقولى ازاى الشوارع تتقفل عشان شخص؟
بس يمكن يكون عندى رد بس ردى مش مقنع بس هى ديه الحقيقة يا جميل
اى دولة فى العالم ليها احتياطات امنية للريس بتاعها وديه تعتبر احتياطات امنية ومن حق اى ريس فى الاحتياطات ديه مهما كانت ايه الاحتياطات وعشان انتى عارفة زحمة المرور ماينفعش التاخير فى مواعيد الريس عشان كدة لازم الشوارع تفضا
وبالنسبة لحتة الجمهور اتحرم من دخول الاستاد عشان خاطر السوق السودا مش عشان الريس
ده حسن شحاتة مارحش الماتش عشان مفيش تذاكر
هل حسن شحاتة بيفكر انه يأذى الريس؟
farao

احى فيكى شجاعتك farao

Dark Night

انا بقولك منطقه روكسى كلها والخليفه المامون والقلعه كمان وكليه الالسن .

المنطقه كلها حوالى 10 كيلو يعنى ليه يقفلوها ؟

وكمان حته حسن شحاته دى موش متاكده منها بس متاكده من حكايه الجمهور

وكمان الاحتياطات الامنيه موش تقول انك تقفل من اول كفر الزيات لغايه بركه السبع قفل نهائى

عشان الرئيس يعدى .

انتى بتردى عليا بعنف ليه كدة صدقينى فى موضوع حسن شحاتة هو انا حكدب عليكى وبعدين ولا روكسى ولا بتاع ماهو الباشا اما بيجى قصر المنتزة ولا قصر راس التين طريق البحر بيتقفل قفلة تامة من بحرى لغاية المنتزة ايه تانى؟
اه يمكن عشان عندكم فى القاهرة العاصمة وهو ساكن هناك وكل يوم وبتاع بس ماشى
عادى يعنى انتى لو مكانه كنتى عملتى اكتر من كدة
farao

اى حد لو مكانه كان عمل زى اللى بيعمله واكتر كمان farao

Dark Night

تاريخ التسجيل : 01/01/1970

يا طماطم من حق الريس يعمل كدا ما انتي عارفه ان في ناس عوزه تقتل الريس وانتي عارفه كدا اكيد ولازم يكون في احطياتات امنيه مشدده وبعدين ده رئيس دوله مش محافظ يعني لازم يكون في حراسه

قل لن يصيبنا الا ما كتب الله لنا .

حكمت فعدلت فامنت فنمت يا عمر .

وبعدين انا موش برد بعنف والله سورى موش قصدى ده انا هاديه جدا

السلام عليكم ورحمة الله وبركاته :
king

أختي أحب أقولك شئ مستحيل عدل عمر يكون موجود تاني لأن المحكومين في عهد سيدنا عمر رضي الله عنه غير شعبنا دلوقتي إحنا في حالة محنة بكل المقاييس أولا يمكن شدني العنوان المنطقة المقدسة لكن العنوان ده لا يليق بالموضوع لأن معني المقدس أي الطاهروبصراحة روكسي أو غيره من الأماكن اللي ذكرتيها ماهي إلا أرض الله ولكنها ليست مقدسة ربما موضوع مهم والشاهد اللي حبيتي تذكريه هو أنه لابد من وجود نظام بس من وجهة نظر المنظمين لسيادة الرئيس أنهم يأمنوا الطريق وده بيحصل لكل الناس المشاهير مش بس الرئيس يمكن لأحد الوزراء أو الممثلين السياسين في البلد أو غيرهم Question

مش دي القضية يا أختي الموضوع أكبر من أن مكان يتقفل أو ناس يتحرموا من دخول المتش الموضوع أكبر من تصوراتنا بس أبسطلك اللي عايزاكي تفهميه أن في بلاد بيعدي عليها أيام وشهور وسنين مبتسمعش غير صوت الرصاص ومش بتشوف غير الدم والأشلاء لما نكون بلد عربي ومسلم وكل اللي جوانا أننا بنحاول نعرف بس أيه هو حدود النظام اللي أحنا بنحظي بيه في بلدنا أو حتي بنتحرم بسببه من دخول المتش أو نكون متأخرين عن مصالحنا أو وجودنا في مكان مهم في وقت معين الموضوع كبيــــــــــــــــــــــــــــــر قوي أكبر من مجرد روتين بيحصل مع كل من يملك سلطة أو له أهمية في أي مجال مهما كان Exclamation

أسمحيلي وأسفة أني أذكر ده لو أحد الراقصات في مكان بتمشي معاها البودي جارد تبعها ومعاها كذا عربيه Exclamation

تفتكري رئيس دولة مليئة بالفقر والبطاله والكثير من المشاكل يقدر يمشي بدون اللي بيحصل ده بيتهيألي مستحيـــــــــــــــل وأظن بكدة أبقي وصلتلك أنه المشكلة مش في ذات الرئيس أو المنسقين لزياراته المشكلة بجد أننا في محنة ربنا يعدينا منها علي خير وينصرنا ويعزنا بعزه لأن مش لنا
غير الله فيما نحن فيه الآن .

(نحن قوم أعزنا الله بالإسلام فإن أبتغينا العزة بغيره أذلنا الله ) .

سبحان الله هو انا بتكلم انجليزى يا اخوانا؟ لول

بس بعرف اتكلمه برده .

انتى ليه يا مصر دخلتينى فى موضوع تانى انا بتكلم عن حاجه معينه فى مصر وموش ليه دعوه

بالصراع الخارجى او مشاكل الوطن العربى انا بركز على نقطه معينه بس .

وبعدين وصفى انها منطقه مقدسه ده من باب السخريه موش اكتر .

يا جماعه اقروا الموضوع بتركييز شويه والنبى .

بجد ياطماطم موضوعك جامد وانا فهماكى كويس اوى.
لانى واصحابى اكتر ناس بتعانى من الموضوع دا.
انا كليتى قريبه اوى من المنطقه المقدسة ويمكن اقرب كمان منها لقصر سياده الرئيس .
انا كليتى فى مصر الجديده وكمان ايه انا فى العاشر من رمضان يعنى مبعرفش اروح غيرعن طريق صلاح سالم.
وياسلام بقى لو موكب الريس هيعدى بالليل بيكون الطريق مقفول من الضهر.
وبجد فى ماساه ليه انا واصحابى.
انتى عارفه مره فضلت مستنيه فى الشارع ساعتين كاملين لغايه اما الموكب يعدى والاتوبيس يعرف يمشى فى الطريق دا.
وانتى بتتكلمى عن ماتش واستاد ودى حاجه بتحصل كل فين وفين.
لكن تخيلى كل اما الموكب يعدى وانا فى الكليه؟؟؟؟؟؟؟
شوفى بقى بيعدى كام مره من الطريق دا؟؟؟؟؟؟؟
ودى فعلا مشكلة ولازم يكون فى حل.

وميرسى ليكى بجد على اول موضوع سياسى هنا.

ur friend ayota

والله يا ايوتا احنا بجد بنتبهدل اوى فى البلد دى يعنى لازتم على الاقل تغيير .

تسلميلى حببيبتى على ردك ومرورك الرائع

عشان تعرفوا ان احنا فى نعمة
الاسكندرانية يعنى بعيد عن الدوشة ديه هو الريس بيجى كل شهر مرة بيتقفله الكورنيش بس
بس برده يا جماعة ده ذنب انكم عايشين فى العاصمة
وربنا يكون فى عونكم
والله يا طمطم حسن شحاته مارحش الماتش عشان مفيش تذاكر Rolling Eyes

ومش كل شكة دبوس نقول ان الحكومة السبب farao

Dark Night

ميرسى يا طماطم ليكى وفعلاً انا روحت روكسى مره زياره روحتها ماشيه مفيش

ولا تاكسى ردى يدخل روكسى وشتمنى روحت مدياله كلمتين ومشيت

مكسوفه عشان اول مره اهزق او اطول لسانى على راجل
ميرسى كتير ليكى

اختك نور sunny