سؤال محيرنى محتاجله اجابة!!!!

فى يوم من الايام جالى واحد صاحبى وقالى فيه فيلم جديد جامد جدا وتصويره اجمد واخراجه اجمد واجمد اصلى صاحبى عارف انى ليا فى الاخراج نوعا ما مش دراسة انما ممارسة
المهم الفيلم ده كان TROY طبعا مفيش حد ماشفش الفيلم ده الفيلم عجب الناس وعجبنى انا شخصيا
جالى صاحبى تانى من يومين وقالى نفس الكلام فيه فيلم جامد جدا الفيلم ده هو 300 انصحكم انكم تتفرجوا على الفيلم ده
لاقيت نفس الموضوع معارك ركوب خيل وازاى انك تعد شخص عشان يكون مقاتل
المهم سالنى صاحبى سؤال فيه فيلم عربى كان او مصرى كان زى الفيلمين دول؟؟؟؟؟
رديت فى عقل بالى الناصر صلاح الدين بس اتكسفت انى ارد عليه اصل الفيلم قديم اوى
سالت نفسى السؤال ده ومالقيتلوش اجابة
واللى محيرنى اكتر!!!!!!!!!!
فيه ممثلين يقدروا يمثلوا معركة من معارك الاسلام!!!!!!!!!!!!
لازم يكون فيه امل
Dark Night

جميل الموضوع يادارك.
وفعلا حاجه تكسف انه ميكونش فى غير فيلم صلاح الدين.
والممثلين عندنا اكيد يقدروا بس بطريقتنا.
بس على فكره بمناسبة الامل انا سمعت ان احمد السقا ناوى يعمل فيلم تاريخى عن شخصية من ايام السيف والحصان بس بصراحه مش فاكره اسم الشخصية دى.
بس اكييييييييد فى امل.
وميرسى على موضوعك اللذيذ دا.






ur friend ayota

ايوطة ميرسى يا جميل على مرورك وميرسى اكتر على ردك على موضوعى بس هل تفتكرى ان اللى احنا اطلقنا عليه فارس الشاشة العربية وهو احمد السقا يكون فى مكان براد بيت ويعملنا فيلم زى تروى؟ انا عن نفسى مش واثق فيه انه يعمل فيلم تاريخى وثائقى عن الحياة القديمة وعموما ادينا مستنين
وربنا يستر ومايكسفناش
Dark Night

نور عينى ميرسى يا قمر على المتابعة
واحب اجاوبك بكل صراحة وبوضوح
لا تامر حسنى ولا احمد السقا ولا مصطفى شعبان ولا كريم عبد العزيز ولا واحد من دول ينفع يجيب دور فارس بسيف ودرع
ماهى ديه المشكلة
جمال اسماعيل اساسى لانه ممثل قدير
بس انا بتكلم على الممثلين المصرين
السينما السورية سحبت من تحت ارجلنا بساط الافلام والمسلسلات التاريخية
السينما عندنا يا عم كله ماشى
خمسة باب يعنى والحدق يفهم
Dark Night

عسلية يا ملاك المنتدى ميرسى يا قمر على ردك
المشكلة يا جميل ان الممثل المصرى الشىء الاهم عنده مش الدور المهم عنده العائد المادى وان الجمهور عاوز يا يضحك يا يتفرج على افلام خلعة حتى الافلام الاكشن بقت قليلة
ع العموم ربنا يسهل ونشوف فيلم مصرى يوصل للعالمية يوضح فيه فتوحات الاسلام ومدى سماحة الاسلام
يارب اشوف فيلم مصرى جاااااااااااااااامد
Dark Night